कृत्रिम बुद्धिमत्ता (एआय) वर सादर केलेला पहिला ठराव संयुक्त राष्ट्र महासभेने स्वीकारला – मानवी जीवन सुरक्षित होण्यास मदत संयुक्त राष्ट्र महासभेचा दावा

कृत्रिम बुद्धिमत्ता (एआय) वर सादर केलेला पहिला ठराव संयुक्त राष्ट्र महासभेने स्वीकारला
– मानवी जीवन सुरक्षित होण्यास मदत संयुक्त राष्ट्र महासभेचा दावा

नवी दिल्ली : यूएन एआय ठराव संयुक्त राष्ट्र महासभेने गुरुवारी कृत्रिम बुद्धिमत्ता (एआय) वर सादर केलेला पहिला ठराव स्वीकारला. यामुळे नवीन तंत्रज्ञानाला चालना देण्यासाठी आंतरराष्ट्रीय प्रयत्नांना बळ मिळण्याची अपेक्षा आहे. यामुळे मानवी जीवन अधिक सुरक्षित आणि विश्वासार्ह होण्यास मदत होईल. अमेरिकेने महासभेत एआयशी संबंधित ठराव मांडला आणि तो मतदानाशिवाय मान्य करण्यात आला. याचा अर्थ या प्रस्तावाला महासभेच्या सर्व १९३ सदस्य राष्ट्रांचा पाठिंबा मिळाला. हा प्रस्ताव आणण्याच्या तयारी दरम्यान, अमेरिकेचे राष्ट्रीय सुरक्षा सल्लागार जेक सुलिव्हन म्हणाले की, एआयच्या सुरक्षित वापरासाठी संयुक्त राष्ट्राच्या ठरावाद्वारे एक ऐतिहासिक पाऊल उचलले जाईल.
या ठरावात एआयच्या वापराच्या अटी व शर्ती स्पष्ट करण्यात आल्या आहेत. एआयचा वापर मानवतेसाठी अत्यंत फायदेशीर आहे परंतु त्याचे काही मोठे दुष्परिणाम देखील आहेत. पारित केलेल्या प्रस्तावात हे फायदे मिळवण्यासाठी आणि दुष्परिणामांपासून संरक्षण करण्यासाठी तरतूद करण्यात आली आहे. महासभेने एआय तंत्रज्ञानाला श्रीमंत आणि गरीब विकसनशील देशांमधील सहभागासाठी प्रभावी माध्यम बनवण्याचा संकल्प केला. एआयद्वारे आंतरराष्ट्रीय कल्याणासाठी योजना बनवताना, दोन्ही श्रेणीतील देश एकाच टेबलावर असतील आणि त्यांचे विचार व्यक्त करू शकतील. विकसनशील देशांना तंत्रज्ञानाचा जास्तीत जास्त लाभ मिळावा यासाठी प्रयत्न केले जातील जेणेकरून ते त्यांचे विकास उद्दिष्ट साध्य करू शकतील.
महासभेने हा प्रस्ताव स्वीकारून तपशीलवार आणि स्पष्ट नियम बनवल्याने, जगातील एआय संबंधित उपक्रमांच्या विकासाचा वेग वाढण्याची शक्यता आहे. तसेच तंत्रज्ञानाच्या वापराचे नियोजन करण्यासाठी आता देशांना मदत मिळणार आहे. अमेरिका आणि इतर विकसित देशांना तंत्रज्ञानाचे फायदे आणि तोटे अधिक चांगल्या पद्धतीने जाणून घेता येतील आणि संपूर्ण जगाला त्याचा फायदा होईल.
एआयच्या वापराने अनेक प्रकारचे रोग शोधले जाऊ शकतात. पुराच्या तीव्रतेचा आधीच अंदाज लावता येतो, शेतकºयांना मदत करता येते आणि कामगार व कर्मचाºयांना चांगले प्रशिक्षण देता येते. यामुळे नैसर्गिक कारणांमुळे होणारे नुकसान टाळण्यात आणि कुशल कर्मचारी तयार करण्यात मदत होईल.
प्रशासनात एआयचा वापर करण्याचा मार्ग मोकळा
आता प्रशासन आणि प्रशासनात एआयचा वापर करण्याचा मार्ग मोकळा झाला आहे आणि याद्वारे जागतिक दळणवळण प्रणाली आणि कार्यप्रणाली तयार केली जाऊ शकते. तंत्रज्ञान क्षेत्रातील मोठ्या कंपन्या एआयच्या वापरासाठी नियमांची गरज असल्याचे अनेक दिवसांपासून सांगत होत्या, आता त्यांना काम करणे सोपे होणार आहे. युरोपियन युनियनच्या संसदेने १३ मार्च रोजी एआयच्या वापरासाठीच्या नियमांना मंजुरी दिली आहे.